हामी कतातिर ?

                                हामी कतातिर ?

( बिषय अलिक पुरानो होला, तर सान्दर्भिकता आज पनि उस्तै छ, उकुशमुकुश राजनीति | क्षेत्रिय पत्रपत्रिकामा प्रकाशित मेरो तत्कालिन लेख | )

कैलाली टिकापुरकाण्डको ठिक तिन दिन अघि म दक्षिणभारतीय हितेषीहरुलाई आफु नेपाली नागरिक हुनुको गर्विलो इतिहास बताएको थिए| उनेरुका उत्सुक आखाले मलाई भन्दा मेरा शब्द र बिचारलाई न्याय ,स्वाभिमान, इमान्दार ,र विरताको तराजुमा तौल गर्ने तल्लिन थिए |कम्ति खुशी थिईन म ,गोर्खाली इतिहास र राष्ट्र गान उनेर्लाई सुनाउन पाउदा |विकसित राजनैतिक घटनाक्रम –संविधानको प्रारम्भिक मस्यौदा ,यस् माथिको बिरोध र समर्थन ,संघीयराज्यको सख्या ,शासनप्रणाली ,धार्मिक मतभेद पनि नसुनाएको हैन |बस उनेर्को नजरमा नेपालीलाई न्याय र शान्ती प्रेमी मानब प्रमाणित गर्न सफल भएको थिए |आत्मग्लानी महसुस् गर्दैछु हिजोका इतिहासिक कथन ,कारण आजको राजनैतिक  घटनाक्रम|

थाहा छ सबैलाई ,असल र सफल नतिजा आउन समय लाग्छ, अझ बढी काम र इच्छा | संविधानिक राजतन्त्रात्मक मुलुकलाई लोकतान्त्रिक बाटोमा डोर्याउने ,हामीले हाम्रा नेतृत्वको कौशलता ठानेका छौ |सायद यहि एउटा मात्र कारण हो हामी हाम्रो नेतृत्वलाई विश्वास गर्छौ |देशमा माओ ,लेलिनदेखि लिएर गान्धीसम्मका विचारले राम्रैसँग व्यापार गरेको छ, उदारण रौतहट , कैलाली अराजगता- बलिदान एउटाको प्राप्ति अर्काको |


यस्तो लाग्छ हामी नेपालीहरु अझै मानव सभ्यताको पहिलो कडीमै छौ| सभ्य समाजमा अस्त्रभन्दा शास्त्रको प्रयोग उचित ठ्नीननछ, नेपाल यसमा पनि पृथक रह्यो शास्त्र छाडी जो अस्त्र उन्मुख हुदैछ | वर्तमान विश्वजगतलाई हेर्ने हो भने ,आज ति राष्ट्र सफल छन् जसले क्रान्तिको अर्थ बुझेका थिए ,भातृत्वको बिरुवा रोपेका थिए र शान्तीको गीतसंगै गाएका थिए|आन्दोलन ,मर्नु र मार्नु ,भोकहड्ताल जस्ता कार्यक्रम क्रान्तिका परिधिभित्र पर्नु र पार्नु निधनिया छ ,क्रान्ति समस्त बिचारको परिवर्तन ,नया युगको उदय हो |परिवर्तन के बन्दुक ,भाला, खुकुरी र तरबारबाट मात्र सम्भव छ त? हो भने महात्मा गान्धीको क्रान्तिलाई कसरी र के भनेर सम्बोधन गर्ने ?

(Source of image is internet)

अमृतब्रिक्ष्य आज बिषब्रिक्ष्य साबित हुदैछ |हिजो एकै समाजमा बसेका छिमेकि, एकै आगनमा खेलेका साथी ,आफ्नो बालापन बिताएको ठाउँ ,सुखदुखमा संगै रहेको समाज ,आज सब छिनाभिन्न हुदैछ- आफ्नै गोलटोल, देउता ,विचार र मात्र निषेधको रेखा कोर्न बाकीं छ सबैले |एक र प्रत्येकलाई थाहा छ ,हाम्रो विचारसुन्य नेतृत्व र भ्रामक कार्यदिशा साथै पुराना असफल राजनैतिक सुत्र | सबैभन्दा तनाबको स्तिति त अझ त्यतिबेला हुन्छ जसलाई समर्थन गर्न जनता सडकमा पुग्छन् आफ्नो पुरानो पार्टीको पक्ष्यमा र नेता कुर्शीमा | विचार हामी जनता | अझ कहालीलाग्दो स्तिती, जिबिसबाट नगर\गाउमा आहेको हाम्रो विकासनिर्माण बजेट पनि नेताको देन ठान्छौ |हाम्रा अधिकारलाई उपकार ठान्ने काम नगरौ| 

टिकापुरकाण्डले पुरै बिस्वभरका नेपाली मन दुखेको छ ,मरेका प्रहरी शासकका हिमायती होइनन , न त बाहुनछेत्री र जनजाती, मरेको त हामी जातजाति बिचको विश्वास हो ,भाइचारा हो, भत्केको हाम्रो मन मात्र होइन हार्दै गएको हाम्रो राष्ट्र पनि हो |के अब अझ हामी नसुध्रने ,अबुझ बस्ने ? हाम्रो राष्ट्रमा शान्ती र मेलमिलाप कायम गर्न हाम्रो केहि भूमिका छैन त ?आजको नेपाली राजनीति मोदीको गुजरात भन्दापनि लालुको बिहार जस्तो भएको छ ,अनपेक्षितरुपमा | गुण्डा र सहिदबीच फरक देखन छाडेका छन् नेतृत्वले| हालैको कुमार श्रेष्ठ ‘घैटे’ प्रकरण र समर्थनमा उत्रिएको गगन थापा जस्तो आशलाग्दो  युवानेतृत्व| राष्ट्र संक्रमणकालिन अवस्थामा छ ,देश आज अन्तरिम संबिधान र दलीय सहमतिले निदेषित छ | त्यसैले जनताका फाइदा भन्दा दल र तिनका नेताका फाइदा प्राथमिकतामा छ सरकारको लागि |

टिकापुरकाण्डलाई लिएर सभासद देखिलिएर पूर्व र बहालवाला प्रधानमत्री आरोपप्रत्यारोपमै ब्यस्त देखिए| अझ डा.भट्टराईले त आफुलाई जनपक्षधर र अरु नेता सामन्तीको कित्तामा राखनसम्म भियाए|कस्तो दुषित राजनीति, हिजोका सहमतिमा पनि बस्ने र आजको बिरोधको नाहिके आफुलाई ठान्ने |पकै पनि डा.बाबुराम भट्टराई नेपाली राजनीतिका एक अबल र बौद्धिक नेता हुन् ,शका छैन| अबल शैक्षिक योग्यता र फरक विचार को नेतृत्व जो उनले गर्थे |तर काठमाडौँका सडक फराकिलो पर्ने बाहेक गतिलो काम गर्न सकेनन, आफ्नोकालमा काठमाडौँ खानेपानी लिमिटेडमा जेठीसाशुलाई महाप्रबन्धक त उनले पनि बनाएकै हुन् |

नेतृत्व त्यो हो जसले जनतालाई जोड्ने काम गर्छ ,शान्ती, भाइचारा ,मेलमिलाप र बिकाशको काम र पक्ष्य लिन्छ |आखिर हामी किन र केमा  चुकिरहेका छौ त्यसमा अमल गरऊ| के हाम्रा कुनै नेतृत्वमा यी गुण र सहस छ त ? अह छैन ,हामीलाई कुनै बाद चाहिएको होइन ,हामीलाई मात्र बिकाश ,अधिकारको प्रत्याभूति ,शान्ती चाहिएको हो |यदि समस्याको हल बार्ताबाट हुदैन भने जनमत संग्रहमा जाऊ|नया नेपाल जनताकोलागि हो भने यसको निद्णय गर्न जनतालाई दिऊ| अनि पुरा बिस्वलाई थाहा होला नेपालीहरु कतातिर |

                                                            

 कुशलकृष्ण खरेल

 शिवासताशी-९ ,झापा

 हाल: केरला, दक्षिणभारत